1Ki 10:26-29 | CebAPD | STEP | Nakatigom si Solomon ug 1,400 ka mga karwahe ug 12,000 ka mga kabayo. Gibutang niya ang uban niini sa mga lungsod nga butanganan sa iyang mga karwahe, ug ang uban didto kaniya sa Jerusalem.

1 Kings 10:26-29

26 Nakatigom si Solomon ug 1,400 ka mga karwahe ug 12,000 ka mga kabayo. Gibutang niya ang uban niini sa mga lungsod nga butanganan sa iyang mga karwahe, ug ang uban didto kaniya sa Jerusalem. 27 Sa panahon nga siya ang hari, ang plata daw sama kaabunda sa mga bato didto sa Jerusalem, ug ang mga kahoyng sedro sama kaabunda sa mga ordinaryo nga mga kahoy nga sikomoro sa kabungtoran sa kasadpan. ^{▼▼kabungtoran sa kasadpan: sa Hebreo, Shefela.} 28 Ang mga kabayo ni Solomon naggikan pa sa Ehipto ^{▼▼Ehipto: o, Muzur, usa ka lugar nga duol sa Cilicia.} ug sa Cilicia. ^{▼▼Cilicia: sa Hebreo, Kue. Posible nga usa ka ngalan sa Cilicia.} Gipalit kini gikan sa Cilicia sa iyang mga tigpamalit sa husto nga kantidad. 29 Niadtong panahona ang kantidad sa karwahe nga gikan sa Ehipto 600 ka buok nga plata, ug ang kabayo 150 ka buok nga pilak. Gibaligya usab kini ngadto sa mga hari sa mga hitihanon ug mga Aramehanon. ^{▼▼Aramehanon: o, Syrianhon.}